2018(e)ko azaroaren 27(a), asteartea

Azaroak 25 | Emakumeen Kontrako Indarkeriaren Aurkako Nazioarteko Eguna


Igande honetan, azaroaren 25a zela aprobetxatuz, emakummen aurkako indarkeriaren gaia lantzen aritu gara ikastetxean asteetan zehar. Proiektuari bukaera emateko, Lehen Hezkuntzako 5. eta 6. mailako ikasleek bideotxo bat prestatu dute. Horrez gain, Etapa bakoitzean, ikasle guztiek, argazki bat atera genuen.

Aprovechando que este domingo era el 25 de noviembre, hemos estado trabajo el tema del maltrato contra las mujeres con todos los alumnos de la escuela. Para cerrar el proyecto, los alumnos de 5º y 6º de Primaria han hecho un vídeo. Por otro lado, en cada etapa, se sacó una gran foto.

 Bideoaren esteka / Enlace del video
 https://drive.google.com/open?id=1fl0VfGvRANB6HlDEaQrFnitg9CnpSxWg




2018(e)ko azaroaren 14(a), asteazkena

Badator Euskaraldia!





Honezkero jakingo duzuen bezala, Euskaraldia martxan dago, eta Unamunzaga ikastetxeko irakasleak bertan parte hartzera goaz. Zuei ere parte hartzera gonbidatzen zaituztegu. 
Hona hemen interesgarria izan ahal zaizuen informazioa.

Euskaraldia
11 egun euskaraz
2018ko azaroaren 23tik abenduaren 3ra



Zer egin dezakegu euskal hiztunok euskararen erabilera areagotzeko?
Galderak hainbat erantzun ditu, baina, guk, hizkuntza ohiturak astindu eta ohiko harremanetan euskara gehiago erabiltzeko ariketa bat proposatzen dizuegu:
2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.

Nola egingo dugu?
Ondoko bi roletako bat har dezagun 11 egunez:
Ahobizi: Ulertzen duenari euskaraz egingo diot, hark erdaraz erantzun arren. Ezezagunei lehen hitza, gutxienez, euskaraz egingo diet.
Belarriprest: Egidazu euskaraz, nik ulertzen dut eta. Agian erdaraz erantzungo dizut, baina zuk niri euskaraz egitea nahi dut.

Zer lortu nahi dugu?
·         Gure harremanetan hizkuntzarekin ditugun inertziak astintzea eta uste baino gehiagotan euskarazko komunikazioa posible dela frogatzea.
·         Euskal Herrian euskara ulertzen duen jendea pentsatzen duguna baino gehiago dela jabearaztea eta euskara gehiagotan erabili dezakegula ikusaraztea.
·         Hizkuntza ohiturak aldatzea norberaren hautua eta ariketa izan arren, bidea taldean eta batera, erosoago eta lagunduago egitea.
·         Euskara erabiltzeko testuinguru eta egoera berriak, abegikorragoak eta babestuagoak sortzea.

Non egingo dugu?
Bakoitzak bere inguruan, bere ohiko harreman sareetan egitea proposatzen dugu: familian, lagunartean, lanean, eskolan, dendetan…
Horretarako, herriz herri antolatu gara, baita enpresa, ikasketa zentro eta era guztietako elkarte zein entitateka ere. Izena eman, eta ondoren, zure ingurukoekin parte hartu proposatzen dizugun ariketa honetan.
Nork har dezake parte?
16 urtetik gorako herritarrek eman dezakegu izena.
·         Ahobizi izateko, euskaraz hitz egiten jakin behar da.
·         Belarriprest izateko, gutxienez, euskara ulertu behar da.
Irizpideak betez gero, norberak erabakiko du zein roletan izena eman.
2018ko azaroaren 23tik abenduaren 3ra, Ahobizi edo Belarriprest ikurra soinean eraman, eta hizkuntza ohiturak aldatzeko ariketa egingo dugu!

Eta bitartean, zer egin dezakegu?
Herriz herri eta hainbat enpresa eta entitatetan antolatu ari diren batzordeetan parte har dezakezu. Herriko eragile eta euskaltzaleek antolatutako batzordeetan zure ekarpena egin eta inguruan Ahobizi eta Belarriprest berriak aktibatzen denok egin dezakegu gure ekarpena.


ZER IZANGO ZARA ZU?